كله هيعدي السنة.. 9 رسائل من وزير التعليم لطلاب الثانوية العامة

الاثنين 19 أبريل 2021 - 01:26 مساءً

كله هيعدي السنة.. 9 رسائل من وزير التعليم لطلاب الثانوية العامة

كله هيعدي السنة.. 9 رسائل من وزير التعليم لطلاب الثانوية العامة


اسماعيلية اونلاين :

وجه الدكتور طارق شوقي، وزير التربية والتعليم والتعليم الفني، عددا من الرسائل للطلاب وأولياء الأمور بمناسبة بدء الامتحانات التجريبية للثانوية العامة، والتي جاءت كالتالي:

1- هذا العام يشهد 6 امتحانات ثانوية "3 تجريبية و3 حقيقية".

2- "أي حد يدخل الامتحان النهائي اللي هيبدأ 4 يوليو، مفيش طالب هيدخل اللجنة ومش هيطلع إلا وهو ممتحن وواخد فرصته العادلة زي زملائه أيًا كان طريقة الامتحان ويا ريت الناس متشغلش نفسها بالتفاصيل ويتركوها لينا".

3- الثانوية العامة بتمثل بعبع في مصر وإحنا بنحاول نغير هذا المفهوم وماشيين في هذا الطريق، في الوقت اللي دول العالم كلها الدراسة فيها متعثرة.

4- بطمن أولياء الأمور تماما إن أي طالب داخل ثانوية عامة كل المطلوب منه دلوقتي يحضر ويركز على التحضير وما يشغلش باله ولا نعمل الهيصة دي على أمور فنية، إحنا بنتعامل معاها مش إحنا لوحدنا ومعانا وزارة الاتصالات وأجهزة سيادية وجيش من المهندسين والهدف من تجربة الامتحان التجريبي هدف تقني بحت وطبعا مش كل حاجة بنقولها.

5- يوم التلات هنقفل الخوادم وهنستخدم بس الفايبر اللي في المدرسة واللي معندوش فايبر في مدرسة ومعندوش سيرفر ميروحش يوم التلات والباقي كله يروح لأننا عاوزين نعرف مدى سعة الفايبر كافية ولا لأ، وده يشرح إحنا بنحاول نعمل إيه.

6- هذا العام سيكون أول مرة لعمل فرصة أخرى لتحسين المجموع في أغسطس، وهذا العام يشهد 6 امتحانات ثانوية عامة، 3 منهم تجريبي و3 بشكل حقيقي، وده جهد كبير تبذله الوزارة.

7- لو بس نسيب العيش لخبازه والولاد تحضر وتذاكر الأسئلة اللي معتادين عليها وهيشوفوها في مايو، ويوم ما يدخلوا في 4 يوليو هيمتحن الطالب بكل الأشكال الممكنة، ودي مسئولية الوزارة لأي طالب يدخل الثانوية العامة وعشان كده بنعمل كل الامتحانات التجريبية وعلى إثرها بناخد القرار مجتمعين.

8- أسهل حاجة نعملها نرجع للقديم مرة واحدة واحنا بنعمل كل ده عشان مصر تتمكن من هذه التكنولوجيا والحاجة دي تخدم ولادنا في الثانوية العامة واللي جايين وراهم ولازم نتعاون مع بعض ونعرف أن نسبة الحضور في الامتحانات التجريبية كانت 97% والأرقام اللي بنجمعها دلوقتى هنعلنها يوم الخميس بمنتهى الشفافية رغم أنها فنية جدا بس عشان نطمن الناس.

9- بنطمن الناس إن الأمور هتمشي على ما يرام وكله هيعدي السنة على خير بإذن الله.

بيع واشتري اللى نفسك فيه



إستطلاع رأى

هل أنت راض عن أداء محافظ الإسماعيلية ؟

  • لا
  • نعم
Ajax Loader
مواقيت الصلاة
حالة الطقس
اسعار العملات