الدكتور محمد حسن حامد يكتب: الأفندية ولاد الإية ..!

الاثنين 24 أبريل 2017 - 03:21 مساءً

الدكتور محمد حسن حامد يكتب: الأفندية ولاد الإية ..!

محمد حسن حامد


اسماعيلية اونلاين :

ساعات  ناس صعايده حبايبى يجيبولى كام واحدة عيش  شمسى -مع حبة ملوخية ناشفة اتبسط وأقول يابختى !!!
وأقعد  ابحلق فى شكل الرغيف اتلقيه متختخ -ووشه أحمر -وياسلام لما تاكل به الملوخية معمولة شلولو -وجنبه حبة محشى !!!
ولايمكن  تنسى  شكله  وهو قاعد ع الطبليه -وعم جناوى رافع كم الجلبيه ورافع شنباته -وبيحف بيه البامية الناشفه -تعال ياواد يامحمد كل معايا -قبل النهار ميمشى !!!
 
وحبه  صغيرة  بعدها  تيجى خالتى سعديه-وعلى راسها بيشه لشعرها مغطية لكن عينيها  متكحلة مروية -شايله صنية الشاى للناس  اللى جيه من كل  حته  معزية !!!
اصل  عم  أحمد  أبو  خليل  مات  امبارح -ودفنوه فى الغربة -اذاى ومنين فلوس يجبوه بالطيارة-واهله معهمشى تمن المعدية !!!
لكن  اهله يادوبك  يعملوا  قاعدة  قدام البيت والشيخ عماره مبيخدش فلوس كتيرة تمن قراءة صورة ياسين -واهو بياكل مع المعزيين باميه ناشفه وعيش شمسى وحبة ملوخية !!!
 
(وانا فى العزى !  قاعد  افكر واسأل -ايه جاب الناس الغلابة دى من كل حته -من الاسكندرية وبحرى وجبلى -راكبين قطر أو ميكروباس بأجر -وواضح أن اكثرهم غلابة -بس الواجب  واجب -وهو برضه  تغيير  هوا -وكأنهم  سافروا  للنزهه -فى مارينا -أو الساحل الشمالى -وقعدوا وسط الناس ولاد الايه   --الأفنديه !!!!!)
 
بيع واشتري اللى نفسك فيه

مواقيت الصلاة
حالة الطقس
اسعار العملات