
أحدث الأخبار:
- مع إيقاف التنفيذ.. الحكم في واقعة "الطبيب المتهم بالتحرش داخل ميكروباص" بالزقازيق
- الإسعاف الاجتماعي".. توجيهات عاجلة من الرئيس بشأن الدعم الطارئ للمواطنين
- الجرعتين بـ200 جنيه".. إليك ما يجب معرفته عن لقاح كورونا قبل التطعيم
- موسيماني يوجه رسالة للجماهير عقب الخسارة من سيمبا
- عارضة أزياء أمريكية تطالب بايدن بإلغاء متابعتها على تويتر
- مدبولي يُوجه بتوفير 500 مليون جنيه تعويضات لسرعة تنفيذ تطوير الطريق الدائري
- بعد الحديث عن رؤية الذات الإلهية.. "القراء" تحيل محمود الشحات أنور للجنة القيم
- تأكيد وحظر.. التعليم تصدر تعليمات مهمة بشأن امتحانات أولى وثانية ثانوي
- 4 أيام أمطارًا.. الأرصاد تكشف حالة الطقس والظواهر الجوية حتى الأربعاء
- هيئة الدواء الأمريكية: جرعة واحدة من لقاح "جونسون آند جونسون" فعالة ضد كورونا
النهارده العيد .. وصاحي من النوم قلبي حزين!!
الجمعة 26 أكتوبر 2012 - 11:12 مساءً

أحمد عفيفي
سبحان الله .. جي من اجازة بعد سنة كاملة في الكويت وقاعد وسط مراتي وعيالي .. وامبارح كانت وقفة عرفات وكنت صايم .. والنهادره اول ايام العيد والمفروض اني اكون فرحان .. وانا طول الليل اسمع مأمأة الخرفان وهى تتمنى الا يطلع عليها صبح حتى تظل تنعم بالحياة اطول فترة ممكنة .. ولو ادركت الحقيقة المرة لتعجلت النهاية وتركت الدنيا غير نادمة .. بل ربما تودّعها وهى تُخرج لنا لسانها وتقول بشماتة : اتهنوا بيها وبالريس مرسي بتاعكم وبحياتكم بعد الثورة اللي طلعت ثورة على فاشوش .. زي اللي رقصت ع السلم لا الفوق شافوها ولا اللي تحت سمعوها.
معقولة يكون سبب حزني .. دم الشهداء اللي راح هدر ؟ .. السؤال في حد ذاته مؤلم ان اسأله لنفسي بصيغة الاستغراب وكأنه من الطبيعي الا احزن على الشهداء او بالأحرى اظل حزينا عليهم حتى اللحظة .. ناس كتير نسيتهم واذا جاءت سيرتهم .. فقط يمصمصوا شفايفهم ويقولوا الله يرحمهم .. والله ارتاحوا .. لأنهم لو كانوا لسه عايشين وشافوا النتيجة النهائية ان مرسي والاخوان حكموا مصر يمكن كانوا ماتوا م الحسرة .
هل بجد احنا نسيناهم ؟ .. اكيد نسيناهم .. كل واحد دلوقتي بيدور على مصلحته اللهم الا قليلين جدا لسه مشغولين بالبلد وبأحوال البلد .. لكن ليس بنفس القدر القادر والذي يوحي بالقدرة على التغيير .. ياخبر ابيض .. لسه بنتكلم في التغيير .. امال الثورة عملت ايه ؟ .. او كنا عملناه ليه من
الأصل ؟ .. فين الغلط بالضبط ؟ .. ناس تقول لك كان لازم يكون لها قائد .. كانت فرقت كتير .. وناس تقول لك احسن حاجة فيها ان ملهاش قائد .. عشان تبقى ثورة شعب .. طيب اهى ثورة شعب .. اطاحت بالنظام القديم .. بس مين الي جه مكانه .. الاخوان المسلمين .. طيب لو كان اللي قاموا بالثورة شافوا في الكنترول ان النتيجة حتجيب الاخوان .. كانوا قاموا بيها ؟ .. اكيد كانوا عملوها برضه بس المخطط كان حيختلف .. كان لازم يدورا على قائد يلتفوا حواليه .. واحد منهم وحاسس زيّهم ان التغيير لابد منه .. التغيير بمعناه الشامل ومحاسبة ثورية للمفسدين .. تطهير شامل للبلد .. ممكن جدا يروح فيها ناس مظلومة من نفس النظام .. بس كانت النتيجة قطعا حتبقى احسن مما وصلنا اليه .. لكن قدر الله وماشاء فعل .. الاخطاء واردة وقلة الخبرة لم تساعدنا على التفكير السليم .. فحدث ماحدث .. ونحتاج وقتا ليس بالقليل كي نشحذ الهمم لنخرج مرة اخرى ونقوم بثورة.
هما عاملين زي الحصبة .. اقصد الاخوان المسلمين .. لازم كلنا ناخدها عشان متجيش تاني .. " هدر " لازم ناخده ونقع فيه ونقوم بعد كده ننظف هدومنا اللي اتوسخت ونعرف مكانه فين بالضبط ، مش عشان نبعد عنه ونسيب غيرنا يقع نفس وقعتنا .. لكن لابد من سفلتة الارض وسد الحفرة بالتراب حتى لا يقع احد منا فيه مرة تانية .. لابد من التجربة ولابد من خوضها ولابد من خروج الاخوان من مخابئهم السفلية ولابد من ادراك الناس جميعهم ان الاخوان مالهمش امان .. يقولوا الكلمة ويسحبوها .. يضحكوا في وشك والخنجر ورا ضهرهم .. يتكلموا بالدين وفي الدين وهم ابعد ما يكونوا عنه .. يوظفوه حسب الاهواء والمصالح .. ويستخدموه ككارت ارهاب لنا .. ان اعترضت على سياستهم تبقى كافر وتستحق تطيبيق شرع الله عليك .. وان طاوعتهم في سياستهم .. فقط ستتجنب شرهم ، لكن لن تنال منهم شيئا وسيعملون ما وسعهم الجهد على ان تظل تحت سيطرتهم تعمل بمشورتهم ، وان جنحت معترضا ستسمع كلمة مهدور دمه .. والله يرحمك يا عزيزي.
عشان كده يمكن قايم من النوم قلبي حزين ومهموم كأن اليوم يوم عادي وليس يوم عيد .. لا بهجة ولا فرحة ولا حتى ابتسامة حلوة في وش العيال .. حتى خروف العيد اللي اتعودت كل سنة اكلمه واعمل معاه حوار .. لقيت نفسي غير مؤهل نفسيا على محاورته .. يمكن بكرة ابقى كويس واشوف خروف نفد من الدبح واتكلم معاه واعرف منه هو شايفنا ازاى بعد حكم الاخوان .. ويمكن يكون عنده حل للوقعة السودا اللي وقعناها .. مين عارف .. اللي عجز عنه كبار مفكرينا وعلمائنا .. يقدر الخروف عليه.. ادعوا لي " مودي " يتحسن شوية واعرف اقابل الخروف واشوفه حيقول ايه عن مرسي والاخوان وسنينهم السودا!
مصدر الموضوع: الدستور الاصلي

بالفيديو - كويتي يعتدي على طفل مصري هزم ابنه في "الكاراتيه"

البدء الفعلي لتشغيل كباري الشهيد أحمد منسي بنمرة 6 بالإسماعيلية وكوبري الشهيد أبانوب جرجس بالقنطرة

شاهد .. جثة تسقط من سيارة في مفترق طرق

فيديو توضيحي لحادث الواحات الإرهابي
تنمية بشرية
اشحن دماغك بتجارب ناجحة ليس المهم مقدار ذكائك ولكن كيف تستخدمه؟ وظّف الإطراء.. لتحقيق شخصية ناجحةحوارات
الشيخ مصطفى درويش في حوار جماهيري مفتوح لمدة اسبوع : يجيب على تساؤلات محبيه ويعرض تطلاعاته الدعوية المشاركة متاحة للجميع : رئيس جامعة القناة في ضيافتنا اسبوع كامل في حوار مفتوح للرد على تساؤلات الأساتذة والطلاب المهندس صلاح حسب الله : لم أندم على قرار فى حياتى ولكن قرار الدكتور عمارة حيرنى !مقالات وبحوث
البدوي يبيع حصته في ""الدستور"" لإدوارد.. وتشكيل جديد لمجلس الإدارة نهاية الإسبوع أمريكي يقود مظاهرة من 11 طالب مصري .. ناشطون يحتجون أمام مقهى من خطف أقباط مصر؟إستطلاع رأى
مواقيت الصلاة
حالة الطقس
اسعار العملات