مطلوب حى رابع بالاسماعيلية

الأربعاء 04 مارس 2015 - 11:15 صباحاً

مطلوب حى رابع بالاسماعيلية

محافظة الاسماعيلية

منطقة الكيلو 2 منطقة تبعد بضع مترات عن حى الشهداء التابع لحى ثانى الاسماعيلية ورغم ذالك فانها تتبع مركز ابو صوير اداريا وتتبع قرية الفردان والقنطرة غرب فى خدمات الكهرباء والضرائب العقارية وتتبع مدينة المستقبل فى الامن وتتبع ابو صوير فى الشئون الاجتماعية والتموين وتتبع مركز الاسماعيلية فى الشباب والرياضة والتربية والتعليم والاكثر غرابة انها منطقة عجيبة فى نظامها الانتخابى اذ يخرج الناخبين بها الى ثلاثة جهات لاختيار ممثليهم فمنهم من يذهب الى نفيشة والفردان لاختيار نواب الدائرة الثالثة ومنهم من يذهب الى ابوصوير لاختيار نواب الدائرة الرابعة ومنهم من يذهب الى منشية الشهداء لاختيار نواب الدائرة الاولى وياتى ذالك فى الوقت الذى يكون هناك ثلاثة اخوة فى منزل واحد وكل واحد فيهم له نائب مستقل وفى النهاية كلهم نواب وسلملى على الصندوق الانتخابى بالله عليكم نروح لمين لنواب المدينة ولا لنواب الضواحى واحنا اصلا مبنشوفش منهم حد الا فى موسم الالنتخابات بيجوا عندنا فى العزاء والافراح علشان عاوزين صوتنا واحنا صوتنا مبحوح - يا ناس حرام عليكم شوفلنا حد نبقى تبعه شوفلنا حد نقوله يا بابا ولا يا ماما بدلا من اننا ملناش حد نتسند عليه ونقوله انت بابا عموما احنا غلابة ولينا ربنا بس نفسنا مرة نشوف واحد مننا يتكلم با اسمنا فى المجلس المحلى ولا نفسنا نقول اننا عندنا حد مسئول عننا علشان نشكيله همنا ونقوله على اللى تعبنا واللى ناقص من الخدمات عندنا رغم اننا معندناش حاجة كويسة نتباهى بيها ونقول يا بختنا ده مفيش عندنا كهربا كويسة ولا حتى سكة مرصوفة وكويسة وكمان معندناش نقطة تحرسنا وتامن حياتنا وتقفضى على البلطجة من عندنا يا مسئولين وناس ياللى مسئولين عننا انقذونا والحقونا احنا بنغرق فى مية الصرف بتاع الخزانات اللى عندنا علشان مفيش شبكة صرف عندنا وجبولنا يافتى بس وحطوها من كام سنة ومحدش بعد كده سال عننا ارحمونا وهاتولنا حد يساعدنا ويهتم بينا كلنا بقلم / ناصر عبدربه /






إستطلاع رأى

هل أنت راض عن أداء محافظ الإسماعيلية ؟

  • لا
  • نعم
Ajax Loader
مواقيت الصلاة
حالة الطقس
اسعار العملات