لما لسه وهوه طفل يطعن طالب زيه في قلبه ويموته " تبقى أكيد ومعلش تربية وسخة " ولما أهل المقتول يحملوا السنج والمطاوي ويلقنوا كل من في طريقهم درساً في فن القتال والانتقام تبقى معلش تربيتهم " اوسخ " ،ده وليه؟ لأن غياب الأمن والتعليم والتربية في ظل حكومة نظيف وداخلية العادلي والأزهر مطأطأ الرأس لن ينتج عنهم إلا مجتمع همجي فاسد ....
لماذا لا تسعى كل الأسر المصرية لجعل أبناءها كهذا الطفل المصري العبقري الذي يعد أصغر طفل بالعالم يحاصل على شهادة رخصة قيادة الكمبيوتر الدولية.
في مقولة على لسان الناس اليومين دول بتقول:لو نهر النيل بقى صلصة مش هيكفي الكوسة اللى في مصر! الكوسه اللى بتبقى مع اللحمة ديه .. عرفنها؟
في أخبار كده عن مولود جديد لجمال مبارك هيتولد في ألمانيا .. هي ايه حكاية ألمانيا اليومين دول؟
المفروض الأمن يمنع كل اللى سنهم تحت 18 سنة من دخول المباريات .. أظن كفايه المهزلة اللى حصلت بالممر بالأمس بعد مبارة الاسماعيلي والزمالك بين الشرطة وشوية أطفال.
مني من جمال مبارك لا أرشح نفسي ولا يحزنون .. اوجع دماغي عشان ايه؟ ويفضلوا يقولوا توريث توريث .. ويجي واحد برادعي يناكف فيه،طب وليه؟ يا عم
العرب أصبح جل همهم دخول موسوعة جينيس بأطول برج وأكبر لوحة ونسو القضية الأم ،قضية القدس والأقصى وما يحاك لنا من قبل الغرب!
بتروجيت ،انبي،وغيرهم من أندية البترول أهم عند الوزير المحترم من السولار والغاز اللى من غيرهم حياة المصريين تصاب بالشلل.
الزمالك ... الاسماعيلي ... وفي الاخر همه عايزين الأهلي .. والجماهير مينبهاش غير المشورة ياعيني.
أزمة السولار وغيرها من أزمات مصر مفتعلة .. والهدف ؟؟؟!
حماد موسى:معلش .. همه عايزينك فلوس وبس .. سيبك منهم أحسن،بلا هم.
وزارة الكهرباء:هل تعاقدتي مع أطباء العيون عندما شرعتي في تركيب اللمبات الموفرة؟ الشوارع من غيرها أفضل بكتييييييييييييير.
احمد شوبير: ليتك تنظر للأمام وتأخذ العظات من والى وسليمان!
شارك في البرنامج الانتخابي لكل المصريين بالضغط على الصورة
|
